Банк, санхүүгийн байгууллагууд Финтек компаниудтай хамтран ажиллах хандлага нэмэгдэж байгаа бөгөөд финтекийн үйлчилгээг банк ашигласнаар бүх төрлийн цахим төхөөрөмж ашиглан банкны үйлчилгээг хялбар аргаар авах, төлбөр тооцоогоо онлайн сүлжээгээр дамжуулан хурдан шуурхай, найдвартай гүйцэтгэх боломжтой болсон. Тиймээс интернет банк болон мобайл банкаар дамжуулан зээл авах боломжийг нэмэгдүүлэн, финтект суурилсан зээлийн бүтээгдэхүүнийг хөгжүүлснээр банкны ашигт ажиллагаанд нөлөөлөх боломжтой гэж үзэж байна. 
Б. Зорилго: 
Банкны цахим зээлийн ач холбогдлыг үнэлэх, банкны ашигт ажиллагаанд дүн шинжилгээ хийх, цахим банкны үзүүлж буй нөлөөллийг тодорхойлж, цахим зээлийг хөгжүүлж зээл олголтыг нэмэгдүүлэх замаар банкны ашигт ажиллагааг нэмэгдүүлэх боломжийг судлах зорилготой.
В. Хийгдэхээр төлөвлөж буй судалгаа, шинжилгээ:
Судлагдсан байдлын судалгаа, финтек бoлoн зээлийн бүтээгдэxүүн үйлчилгээний oнoлын судaлгaa xийx, гадаадын улс орнуудад санхүүгийн системдээ финтекд суурилсан бүтээгдэхүүн үйлчилгээг нэвтрүүлсэн туршлага судлах, Монголын арилжааны банкуудын ашигт ажиллагаанд нөлөөлж буй дотоод хүчин зүйлсийг тодорхойлах, банкуудын ашигт ажиллагаанд финтект суурилсан зээлийн бүтээгдэхүүний үзүүлж буй нөлөөллийг судлах.